Sukero kaj formiko

Ĉie estas iom da sukero,
troviĝas tie multaj formikoj.
‘Blankuloj’ venis al Timoro
ĉar kreskis multaj santaloj.

Kial iras granda nombro
de personoj al multaj urboj?
Ne bezonas esti profesoro
por ĝin klarigi al la homoj.

Noemuti-Timoro, februare 2010

Preĝeja sonorilo

Ĉiudimanĉe en mia vilaĝo
sonis la preĝeja sonorilo
el urbeto tre malnova,
kie troviĝas preĝejo antikva.

Vokata estas mia vilaĝo
de la preĝeja sonorilo.
Homoj marŝas transrivere
por la savo de animo.

Noemuti-Timoro, februare 2010